Spánn

Vinaminni á Spáni.

Verkalýðsfélag Snæfellinga, ásamt þremur öðrum stéttarfélögum, hefur til umráða orlofsíbúð nr. 13 í Altomar III í Los Arenales á Spáni.

Raðhúsahverfið Altomar III í Los Arenales er rétt sunnan við Alicante borg og mjög gott útsýni er til Alicante frá ströndinni í Los Arenales. Akstur frá Alicante flugvelli til hverfisins tekur um 15 mínútur, en um 20 mín akstur er inn í miðborg Alicante frá íbúðinni. Auðvelt er að taka bílaleigubíl frá flugvelli og auðvelt að fylgja leiðbeiningum til áfangastaðar.

 

 

 

Leiguskilmálar

Orlofshúsið er leigt tvær vikur í senn að sumrinu, frá þriðjudegi til þriðjudags. Leigutakar geta komið í íbúð kl.19:00, brottför úr íbúð er í síðasta lagi kl. 11:00.

Sumarleiga fyrir tvær vikur er kr. 97.000. Lágmarksleiga á tímabilinu 1.okt. - 30.apríl er ein vika á kr.49.000 ef bóka á lengri tímabil breytist verðið. Brottfarargjald er innifalið í leigu.

LAUS TÍMABIL  

 

Íbúðin Altomar á Spáni er aðeins bókanleg með því að hringja í skrifstofu Verkalýðsfélags Vestfirðinga í síma 456-5190.

 

Hús og búnaður

Íbúðin er nr. 13 og er á jarðhæð í raðhúsahverfinu Altomar III í Los Arenelas. Hefur hún fengið nafnið „Vinaminni“.

Í íbúðinni eru 2 svefnherbergi, setu- og borðstofa, sér eldhús og baðherbergi með sturtu. Húsinu fylgja öll venjuleg eldhúsáhöld og borðbúnaður, sængur og koddar. Loftkæling er í húsinu.
Íbúðin er í lokuðum kjarna sem ekki er hægt að komast inn í nema hafa lykil eða aðgangsheimilid. Íbúðin er vel búin öllum helstu þægindum og mjög gott aðgengi er að henni. Gistipláss er fyrir 6 fullorðna í tveimur herbergjum og svefnsófa í stofu, einnig fylgir ferðabarnarúm. Raðhúsakjarninn er mjög snyrtilegur en fyrir miðju kjarnans er sameiginleg sundlaug með barnalaug sem aðeins íbúarnir hafa aðgang að. Við hliðina á sundlauginni er stigahús niður í bílastæðakjallarann en íbúðinni fylgir sér bílastæði í bílageymslunni.

Dvalargestir losa sig við sorp í gám við byggðina. Í húsinu er sjónvarp, örbylgjuofn, þvottavél og svefnsófi í stofu. Samanbrotið barnarúm er í tösku í svefnherbergi og barnastóll í stofu. Garðborð og stólar ásamt tveim sólbekkjum fylgja og verða gestir að setja garðhúsgögn inn í lok dvalar. Ekki er gæsla við sundlaugarsvæði og bera gestir sjálfir ábyrgð á umgengni barna við sundlaugar.

 

Sjá myndir hér